തിരുവനന്തപുരം: വനിതാ മതിലിനെതിരേ രൂക്ഷ വിമർശനവുമായി ശിവഗിരി ശ്രീനാരായണ ധർമ സംഘം ട്രസ്റ്റ് പ്രസിഡന്‍റ് സ്വാമി വിശുദ്ധാനന്ദ. മനുഷ്യനെ നന്നാക്കാനല്ല വനിതാ മതിലെന്ന് സ്വാമി പറഞ്ഞു.
ശിവഗിരി തീർഥാടന സമാപന ദിവസംതന്നെ വനിതാ മതിലിനായി തെരഞ്ഞെടുത്ത് തീർഥാടകരെ ബുദ്ധിമുട്ടിച്ചു. ശിവഗിരി ശുഷ്കമായപ്പോൾ ചിലരുടെ അന്ത:രംഗം സന്തോഷിച്ചിട്ടുണ്ടാകും. അവരുടെ തെറ്റുകൾക്ക് ഗുരുദേവൻ മാപ്പ് നൽകട്ടെയെന്നും സ്വാമി പറഞ്ഞു.
